كلمات ميحد .............

من طرف فتي المازم الأربعاء يوليو 06, 2011 1:44 pm

بسم الله الرحمن الرحيم

حبيت انزل لكم كلمات اغاني ميحد ... وبخليكم مع كلماته ..

(1)
الدنيا حلوه

هالدنيا حلوه بشوف عيونك الحلوه
يامن غديت بحياتي كل مافيها
إن غابوا الناس عني قلت انا فدوه
إلا انته لا تغيب عن عيني وتجفيها

إن قلت أحبك ترا ماقلتها رضوه
من كل قلبي أحبك صدق وعنيها
لكن خذني حبيبي خطوتـ(ن) خطوه
بكره الليالي تفسر لك معانيها

آنا تمنيت شوفك في العمر منوه
والروح تسأل عيوني وين غاليها
وأحلم بك ان كنت صاحي والا في غفوه
واليوم دنياي تتحقق أمانيها

ياقلب طيب أبد مايعرف القسوه
ياسنين شفت السعاده في لياليها
من نور حسنك غدت أيامنا حلوه
تحلا بشوفك ويحلا كل مافيها

(2)
يا حبيبي

ياحبيبي حبك فدمي
وسط قلبي والشراييني
يوم أشوفك ينجلي همي
ومن على الدنيا تنسيني

الغوى والزين ملتمي
فيك ياسيد المزاييني
فيك كل الحسن متنمي
مـ الجدم لي حاجب العيني

واليديل أسمر ومدهمي
زاد ع الخصرين ويليني
ورد فايع راقي الشمي
فوق الخد الباهي يبيني

في حياتي عندي مهمي
دايمـ(ن) روياك تغزيني
في بعادك همي وغمي
وبوجوده تزهي سنيني

يعل دارها يود(ن) معمي
رملها وبطاحها تزيني
والغدر من فيضها تزمي
والبدو تورد بها الهيمي

(3)
ياشفاتي

ياشفاتي لي لك اشتافي
منك يكفي النفس ماياها
شوحكم والصد بالجافي
صد لي عن عيني أغفاها

واعتراني هم واحسافي
حال نفسي تشمت أعداها
يافريد الحسن يالوافي
ياصبي عيوني وماها

من بشاكي من به إسعافي
قل من ذا الناس ريواها
خير وأنتو حق وانصافي
والفروع أشروع دعواها

هالشهر لي مر خطافي
لا رأت لــيَام فرقاها
يعلها في جمع لولافي
مجبلات السعد نلقاها

(4)
القبعه

لا اتعذر حبيبي ولا أباك إتحلف
يامليكـ(ن) ملكني في حروف أربعه
مايس القد عوده ومن نصف منتصف
به مثل خيل التبع وخلفها تبعه

من يصادفه صدفه في محاسن صدف
ينحني له تواضع ويرفع القبعه
يندهش في مفاتن بين كتف وردف
عزته واحترامه والمجد يتبعه

الجمال الحقيقي ياعرب ينعرف
في حبيبي بيانه ساسه ومنبعه
من يوصف جماله بالوصف مانصف
شل حسن الخلايق في طروف اصبعه

يوم أناظر عيونه بالصحيح أعترف
وأكشف أسرار قلبي للذي طبعه
يرني في وداده لين قلبي وكــف
وعن هوا غير شخصه صده وشبعه

(5)
من كثر حبك

من كثر حبك تشابه دمك ودمي
اتبدل الدم من موجب إلى سالب
وأصبحت لي في الحياه احساسي وهمي
الحب مأساه يامغلوب ياغالب

غلاك ماله مكان بروحي يضمي
من هامت الراس إلى لقدام متشارب
والناس أجناس وانته مالك ملمي
أعلن بك الصلح ولجل وصالك أحارب

ياليتك تكون واحد من بني عمي
وأكون أنا لولي بالحق لمطالب
إن شلـ(ن) أهداب عينك بالنظر يمي
أخضع استسلام لا صامد ولا هارب

إلى متى صاحبي هالحال بيتمي
على الضما لا شربت ولاني بشارب
من كثر حبك تشابه دمك ودمي
اتبدل الدم من موجب إلى سالب

(6)
مالك رجا

مالك رجى ياقلبي فيهم ولالي
حيله على نسيانهم لو تناسيت
راحوا وأنا عايش وحيد(ن) لحالي
تايه ولا لحظه بعدهم تهنيت

هذا جزا من كان يسهر ليالي
ياما عليهم في دجى الليل ونيت
لجل الوفا أشقيت فكري وبالي
كلـ(ن) نسى الماضي وانا أقول ياليت

راح الزمان الي نعيمه صفالي
مثل السراب الي من أجله تعنيت
صار الشقا والهم فوق احتمالي
عقب اتصافي بالتجافي تجازيت

ماباقي إلا ذكرهم في خيالي
ذكرى تجيني كل مصبحت ومسيت
ياقلب لا تبكي على ضيم حالي
انسى ترا مالك رجا وإن ترجيت

(6)
حاربت عيني

حاربت عيني كراها
ياعلي والله تراها
مـ العنا يلي بدالي
ويل روحي واشقاها

من فتاتـ(ن) تيمتني
واملكتني في هواها
ملك ملِي فـيد عمه
في الاماره وانتهاها

هايفه الخصرين تسلب
إن اقبلت بدر(ن) تباها
لونها والجيد ماخذ
وصف ريمـ(ن) في فلاها

والخدود كما لِـي
نور شمسـ(ن) في ضحاها
واليديل يذول وأسمر
خر ع الردف وكساها

والـعيان عيان حر(ن)
شاف صيده واعتناها
كامله لوصاف حسنـ(ن)
شيب عيني من غواها

في الملا مامن مثلها
خالجي فردي نشاها
ياملا ميلام صبر(ن)
بات يتشفق لقاها

تبعك عذاب)
تبعك عذاب او شوفك اعطـال ***والصبر طال او وصلك اشحيح
ناحل وجسمـي جنـه هـلال***وايميل من نسمة هوى الريح
بي من وداده باخص الحـال***لاسباب مـن قـل التصريـح
قلبي عويج وصابـه اويـا***لوغيري عن اما صابه امريح
جن ابحشايـة لاظـي صـال***نار الغضـا وتهبـه الريـح
طوفان حبـك مـوج شـلال**ومركب غرامي لوح ويشيـح
يلـوث ويـن الغبـة اديـال***وين الهوامـش والتماسيـح
شفني شرى لي يتبـع الـلال ***والـلال غدرانـه منـازيـح
ياعاذلي شف وصله امحـال***مبعد غريـب وياخـذ الريـح
مثل الظبي لـي خـز يفـال***لي شاف م القانص ملاميـح
ريم عليـه الوصـف ينقـال***يرعى قفر صبح المياضيـح
ياين خليفـه عنكـم نسـال***ومن صوبك الشرتا مطاييـح
كل نظر فـي حالـي ايسـال***ويسال يللـي قلبـه امريـح
مايستـوي راحـل ونــزال***واللي شجي وفـواده امريـح
واثنين ما صارو علي حـال***يضحك وذاك والثاني يصيـح
حر حفق مـن راس متـل***اللغروب فـروا لـه تلاويـح
يا غـر يابـو عـود ميـال***يابو خصـور لـك مكاشيـح
شوفك يخـوز ضيقـة البـال***ويبري جروح اللي مجاريـح
عسى ديـارك يـود همـال***يـروي فيويـك والمطاييـح
سيح الغريـف وروس ليبـال***والسـاد ورمـال منـاويـح
في مرتع الخلفـات لابهـال****اتـم غدرانـه ضحاضـيـح
عم الوطن من سيح ورمـال***اشهـور وايـام مـراويـح

(يا منقش العنابي)
يا منقـش العنـاب بخضـاب***ويمشـرب اللـون ابياضـي
باسباب والا ما شي اسبـاب***دايم اتشكل فـي غياضـي
وغلاك عندي ماله احسـاب***ولاتنقلـه سبـع الاراضــي
البستنـي م الحـب جلبـاب***جلاب من عقـب التراضـي
وخليتني من خـارج البـاب***ماكـن لـي ويـاك ماضـي
اعجاب منك اومني اعجـاب***تخطي وانا لك في تغاضـي
والوقت يقزر كله اعتـاب***ولا شي عند الواش قاضـي
بوثمـان ذبــل اعــذاب***في مبسـم كالحـص ياضـي
وعيـون قتـالات باهـداب***والحاظ في النظرة مواضـي
ان قمت لك بالوافي اوجاب***هذاك في الحب افتراضي
عسى اوطنك يسقيه سحـاب***مركون ومزونـه اغلاضـي
ينقاد م المغرب له احيـاب***ويبـات براقـه لـواضـي
وسمي وتزهر فيه لاعشـاب***واتـم وديـانـه ريـاضـي
تلتف له في الكشته اصحاب***تمشي لهم خدم او حواضـي
هنالك ويـن تقيـم لاحبـاب***ويطيـب للحاضـر مقاضـي

يا معني خط الأقلامي)
يا مرحبا يـا معنـي خـط الاقلامـي***مثايـل شوقتنـي فــي معانيـهـا
حي المثايل يا سلالة نسـل الكرامـي***يامن بيوتـه عـن الـزلات يحميهـا
من داثر الوقت وهذا طبـع الايامـي***مرات تصفى ومـرات الكـدر فيهـا
كم وارد ضامـي وصـدر بالحيامـي***وكم وارد شرب من صافـي مغانيهـا
لاتنظر اللي مضـى واتعـد الايامـي***ارعـى ربيـع الزمـان اول لياليهـا
حلو الليالـي تعـوض مـر الايامـي***ما يحسب الوقـت ويفكـر بماضيهـا
لوكان مابـي كتبتـه جفـت اقلامـي***من حرتـي ابـدع امثالـي وغنيهـا
رادار فكري يصور لي مضـى زامـي***في حندس الليل يوم ارتـاح غافيهـا
يوم الخلايـا تنـام وفكرهـا نامـي***حـرام عينـي لذيـذ النـوم يغفيهـا
حالي كما عشب صيف صابه الظامي***والا كمـا ورده جـفـت نواديـهـا
نار الغضى وتواقد في بحـر طامـي***خالـد وعيـا مولعـهـا يطفيـهـا
ريم رعى في الفياض وزهر الاوسامي***قايد خشوف اليـوازي فـي مفاليهـا
بارض المحيلة ولو توطا لها اقدامـي***تزهر وتضحك لهـا الدنيـا وتحيهـا
سود الليالي مـع صلفـات الايامـي***ناخـذ مجادمهـا ونتـرك تواليـهـا
نمشىعـدرب مـا توطـاه الاقدامـى***وان وعرت الارض يعجبنىالمشي فيه
ياخوي انا ريت رويان وهـو ظامـى***هل كيف عطشان في يارى سواقيهـا
ريح ضميرك ولو هايم بـه هيامـى***حق على اللي جرح نفسـك يداويهـا
يامفطر الوقت هـذا شهـر لصيامـي***ترى ليلة القـدر فـي اخـر لياليهـا
يازين هد الوحش في بعض الايامـي***في ديرة جفـرة عسـره مضاويهـا
اشقر طويل المعنـق يبـر لعظامـى***صوايده من فنـادي الصيـد يدميهـا
ياشيـخ هـذا زمـان كلـه انعامـي***الذيـب جايـع وشبعانـة حصانيهـا
لوكان يبغـي يغـزر نابـه الدامـي***هل كيف تكسر جوارحهـا ضواريهـا
كل مخلوق على الدنيـا فـلا دامـي***لابـد تنهـي مغازلهـا مطاويـهـا
واخر كلامي بحرف السين واللامـي***والميـم والعيـن تتلاهـا قوافيـهـا

(لا تذكرني)
لا تذكرنـي بحبـك يـا غناتـي ولا تذكرنـي بماضيـك الجميـل
في صدى ذكـراك بقـزر حياتـي مستحيل احـب غيـرك مستحيـل
انت عمرى وانت اغلى ذكرياتـي وانت في قلبي ولا غيـرك خليـل
انت عيني لي بها شفت البهاتـي وانت لي في مقلة عيونـي نزيـل
لو تقضى عمرنا الوردي وفاتـي وانقضى وانزاح شروى حلم ليـل
تصبح الاطلال في فكـري وذاتـي في الضمير اتعيش لا يمكن تحيـل
كم تذكرتي السنيـن الماضياتـي لـي تلاقينـا بساعـات الاصيـل
كم على ذكراك هليـت عبراتـي وانت عني يا منى عمرى ذهيـل
صار عمري حزن وايامي حسراتي والفرح من دنيتـي شـد الرحيـل
كنت محبوبـي واغلـى امنياتـي صرت فجاه يالغـلا عنـي دخيـل
حسبي الله عالذي سبـب شقاتـي لي سقاني المر عقب السلسبيـل
اللي بعد مجراك عن مجرى حياتي وافرقك عني بعـد عمـر طويـل
يا حبيب الروح بكتبلـك وصاتـي ان غديت اليوم في حبـك جتيـل
انشدك بالله لـي طفـت برفاتـي لاتخلـي دمعـة عيونـك تسيـل

(مرحبا يا مطول الغيبه)
مرحبا يمطـول الغيبـة
مرحبا اهلا وحيـا بـك
مرحبا مليـون ترحيبـه
كثر ما حنا فرحنـا بـك
قايـد والـدار تزهيبـه
بين عربانـك وقرابـك
يوم تي في الدار لك هيبه
من محبتنـا افتخرنابـك
دعوتي م الباري مجيبـه
الفرح والسعد يحظا بـك
نـورت دنيـاي طريبـة
بيـن شبانـك وشيابـك
مجبلات السعد توحيبـه
لي يهتنا بـه ويهنابـك
زاهي الخـد بعجاريبـه
تحسبن صبته وهو صابك

(لول معي زايد غلاكم)
الاول معي زايد غلاكـم
افدي بروحي واشتريكـم
احرب واشني من شناكم
ما ارتضي بالشين فيكـم
وانتو تجافون اصدقاكـم
مـن دون زلات تجيكـم
كدرتوا الخاطـر تراكـم
واعرفت قاصي اوليكـم
واليوم مالي في معانكـم
حاشا وكلا مـا عنيكـم
امشوا واسيرو في هواكم
وانا عليـه مـا تليكـم
وضاع الربع في ملتقاكم
من حين جافيتوا خويكم
ولو كان باغش ادعواكم
لمسماحة منـى اليكـم
واقول لني فـي ذراكـم
الله يهدينـي ويهديـكـم
والقلب حالا عاف ماكـم
يوم املحت شربة طويكم

(هيمان يا المحبوب هيمان )

هيمـان يالمحبـوب هيمـان الهون لـو اتثيبـون بيهـون
باعيـد وبعـلـق اعــلان لـو مـرة حولـي اتمـرون

ون شفتكـم باقـول حلمـان ما ابغي فسر حلمي ولا عون
من عايـن القـدري بلعيـان يجعل حلومه سـر مكنـون

الدار تشكـو يـور لزمـان تبكي على لي شدوا اظعـون
ساروا او خلوا القلب ولهـان والفكر تتلاعب بـه اظنـون

لاكـان عمـري ابـلا كـان او بك الحياة اتتزين وتكـون
وين الوعد يا نـور لوطـان مفروض بالميعـاد توفـون

(ياشوق الأيام)

ياشوق الايام تجبل بي وتجفي بـي وانا على سرجها تتحطـم اعصابـي
اسرح مع الفجر والا الليل يسري بي وانجومها الساهرة تسهر على بابي

تتوحد هموم فكري لاجـل تعذيبـي واصدها بالصبـر واتنـوخ رجابـي
في غابة موحشـة محـد يدريبـي وحوشها ضارية وتضحك بالانيـابي

تتوحد هموم وجدي لجل تعذيبي واصدها بالصبر وتنوخ رجابي
ان هشت هاشت وعدتني مشاريبـي وان يتها بالسيس فيها الرجا خابـي

الحـظ عانـد يلبيلـي مطاليـبـي وازرابي الدهر ما تسترنـي ثيابـي
لا تلومني يالغـلا وتزيـد تانيبـي ما نزل الراس لو زادي من ترابـي

و هذي أحلى وحدة بالنسبة لي(حد مثلي بات مشجنه)
حــد مثـلـي بــات مشجـنـه *** حـلـم طـيـف مــر خطـافـي
واغتنم مـن وجـدي الونـه *** يـوم كلـن بالـكـرى غـافـي
جـرح فـي جاشـي امخفنـه ***والخوافي ضربهـن خافـي
لــي مـحـب مـنـى اومـنــه*** حب مثل الجوهر الصافـي
لـيـت باينـقـل لـــي الـمـنـه ***جـان قـدره عنـديـه وافــي
والـوفـا مــن فـنـي اوفـنـه*** بيـنـا مــا يمـشـي اخـلافـي
حيث لنه فـي العـرب سنـه ***خص عند الناس لاشرافي
يامـحـبـي وصـلـكـم جــنــه*** والبخت لي هوب مسعافي
حالـيـة يــا زيــن مـدعـنـه*** مـن ودادك منقـل الجـافـي
لاتخـيـب فـيـك مــن ظـنــه*** خير وانتوا حق وانصافـي
انـت فرضـي لـي امصلنـه*** وانت وردي وانته اتلافـي
يعـل يـود السـحـب لمـدنـه*** لــي برقـهـا بــات رفـافــي
والـرعـود امسـويـة حـنـه ***هل واسقى ذيـج لاطرافـي
لـيـن ينـبـت ويــن واطـنــه*** بالزهـور امعـزل الجـافـي
بـوخـدود فـوعــه اسـمـنـه*** يسفرن من شيـل ارهافـي
جـــان جـتـلـي مستـحـلـنـه*** لو علـى جتلـي انـا شافـي

(أحبك زود)
احبك زود عمـا النـاس حبـت
اوحبـي ياغناتـي لـك عبـادة
احبـك عـد مالحجـاج لـبـت
او عدالبحـر والرمـل اوزيـادة
مـع الايـام حبـك بـي تثبـت
تملكـنـي ابــاراده ولا ارداة
شراينـي مـوده لـك تعـبـت
اولك اديتها افـروض السيـادة
عقب ما نار حبـك زود شبـت
اوقلم شعرى نضب منـه مـداده
نسايمك العليلـة عطـر هبـت
اوحسيـت ابمسـره وابسعـاده
سقى الله دار للمحبـوب ربـت
مثل ما هو سقانـي مـن وداده
هشيم القلـب بالريحـان نبـت
اودعاكم لوتكرمتـوا الحصـاده
يلومونـي حبيبـي يـوم دبـت
محبتـك ابفـؤادي يـا مـراده
حسد في الناس للي ايحب سبـت
من اسنين الحسد في الناس عاده

و هاي بعد(كم عانيت)
كم عنيت وجيـت متولـه
مقصدي ياشيـخ روياكـم
ما حصل لي حده في الحله
يخبرنيـه ويـن سكناكـم
باعني لو كنت مـا دلـه
ما اتحمل طـول فرقاكـم
ليت عندي رقـم بسجلـه
تيلفون اقـراه وانصاكـم
يا اديب العصر لـك حلـه
مـا حلـت داري ابلياكـم
لك محل بالقلب ما خلـه
من قبلكم حـد شرواكـم
كم فضل كم جود لك كلـه
ما نسينا طيـب حسناكـم
من معادن جود واهل لـه
لا خلينـا مـن مزاياكـم
انتم اهل له وفضـل لـه
الصخا من يوم منشاكـم
لو يطول البحث ما ملـه
في الادب والشعر هوياكم
كم قول قلـت فـي حلـه
من معاني الشعر يعناكـم
انتم اهل الـدار والحلـه
كم حوت من خير دنياكـم
ذا يـواب امحـب متولـه
يملكه الاحسان لي ياكـم
يشكر الله ثم شكـر لـه
مثلمـا قبلـه شكرناكـم

(كلما جن الدجي)
كلما جن الدجى همي ضوى** يوم خالين البراهين اهتنوا
انشينا في الهوى من هم سوى ** والقلوب ابلا مواعيد التقوا
شرد يمني على الورق انحوى** مطرفات وساعفن لي بالنحو
لانعم ماريت والمعنى ارتوى ** في التماني ليت منها ويش لقو
يارفيع المستوى هذا الهوى** قبلنا كم ناس في بحره غدوا
انتشيت الشعر في ذاته روى ** من غزير الفكر وبيوته ندوا

(يا الكوس يامطلي)
يالكوس يالمطلي قـم شلـي
وانتـي لــي المـنـدوب
انصا اديار الخلي لا اتزلـي
واتـبـع قـصـيـر ادروب
اولي ييته في المحلي المتعلي
بيـن امغـيـب اوجـنـوب
بتشوفه كامللي فـي الحلـي
هـو غـايـة المطـلـوب
في طلعته لي هلي يخجلـي
يعـزل هــو المحـبـوب
هو اقمري اويحللي متجلـي
ضـارب عمـد واطـنـوب
حبه غزا واحتلـي وبالكلـي
واتـجـاوز المـنـسـوب
ما اعطانـي مهلـي يهنلـي
قـوتـي ولا الـمـشـروب
شوقي له امسويلي اومشعلي
وسـط الحـشـا ليـهـوب
خلي شوفه دوالـي مالعلـي
لـي ماخـذنـي انـهـوب
لو مكبـر باصلـي اذهلـي
انحـي صوبـه وطــروب
يالي كلامه يسلس عسللـي
قلبـي الشجـي المتـعـوب
ريم الفـلا لمفلـي باغتلـي
يقطـف زهـر واعـشـوب
ريحة جناة الفلـي منحلـي
ينفـع عـطـر واطـيـوب
لي شوفه ما يملي لي طلـي
لـي مـن مشـا بالـدوب
تل القلب له تلي مـن حلـي
فـي ضامـري محـجـوب

(حي فضل الله)
مرحبا ياحـي فضـل الله **حي من تزهي به اوطاني
الغضي لي له قـدر والله**احتـرام ويـاه اوشانـي
لي ينير الحوش والفلـة**والحشا منهوب يفلانـي
لي بقلبـي بانيـا حلـه**ما يخلفـه واحـد ثانـي
ياشبيه الموز فـي حلـه**تايـه والعـود رويانـي
والهدب لمسويـن ظلـه**فوق طرف العين له زاني
والنهد ثوبيه قـد شلـه**مثل شوبنيـن برمانـي
والمعنق زاهـي ابدلـه**والخدود ابروق فمزانـي

(يا حمد)
ياحمد كيف اختفى صوتك عقب ما انت تسجع الونه
والمزامل قامت اتفوتـك والهوى تركتـه وفنـه
كنت لول تلعي ابصوتـك في طرب والود هاونـه
خايف ان السعد انا يفوتك والزهر ما تخضعه فنـه
عجل ابجدك ومجهـودك جان درب الـود متلنـه
المها مرن على اورودك والريوم اللي لهـن بنـه
يرتعن في خطرة احدودكينه لن وايعلـن ابسنـه
لا تحرم نفسـك اوزودك اولاتخلي القلب في هنـه

(سمعت في الهاتف)
اسمعت في الهاتف ولاريت صوت يصحي عوق واسقام
سلـم وبادرنـي وحيـيـت ياسعد حظي والبخـت قـام
ياريم من شوفـك تبهيـت ومنادمة صوتـك والانغـام
الكم مثل حبـي فـلا ريـت ساطي وسط روحي والانسام
وانا مطيـع الكـم وذليـت طوع المعانس قود لخطـام
ياسيد غالـي لـو تغليـت دايـم غلاكـم زد لانــام
لعصيـر لمسيـان لاقيـت اللي عليه وصـوف لريـام
ان ياك والا صوبهـم ييـت سلم وبلـغ نسـل لكـرام
جدواه درب الوصل ما ريت وانا عليهم شفـج م العـام
ما ينفع الماخوذ يـا ليـت ولا تسعف المظلـوم ظـلام
ياما صبرت وكـم تمنيـت والوصل دونـه طـول ودام
قصدك جفـا والا تناسيـت والا بحكمي نـاوي اعـدام

(لا تذكرني)
لا تذكرنـي بحبـك يـا غناتـي ولا تذكرنـي بماضيـك الجميـل
في صدى ذكـراك بقـزر حياتـي مستحيل احـب غيـرك مستحيـل
انت عمرى وانت اغلى ذكرياتـي وانت في قلبي ولا غيـرك خليـل
انت عيني لي بها شفت البهاتـي وانت لي في مقلة عيونـي نزيـل
لو تقضى عمرنا الوردي وفاتـي وانقضى وانزاح شروى حلم ليـل
تصبح الاطلال في فكـري وذاتـي في الضمير اتعيش لا يمكن تحيـل
كم تذكرتي السنيـن الماضياتـي لـي تلاقينـا بساعـات الاصيـل
كم على ذكراك هليـت عبراتـي وانت عني يا منى عمرى ذهيـل
صار عمري حزن وايامي حسراتي والفرح من دنيتـي شـد الرحيـل
كنت محبوبـي واغلـى امنياتـي صرت فجاه يالغـلا عنـي دخيـل
حسبي الله عالذي سبـب شقاتـي لي سقاني المر عقب السلسبيـل
اللي بعد مجراك عن مجرى حياتي وافرقك عني بعـد عمـر طويـل
يا حبيب الروح بكتبلـك وصاتـي ان غديت اليوم في حبـك جتيـل
انشدك بالله لـي طفـت برفاتـي لاتخلـي دمعـة عيونـك تسيـل

(لي صاحبٍ)
لي صاحب ٍ صدّ وجسا من عقب ما هولي جليس
عني خفا واتغلسا وتميت ألعي ابلا ونيس
ما أدري تعّمد لو نسا يهجر محب ٍ له عنيس
في القلب حبه لي رسا وانا إبغرامه كالحبيس
أطلب رضاه واتلمسا لي من بدا إبد له يميس
غر ٍ بحسنه إتهندسا تفداه نفسي والنفيس
في جو إنس ٍ نهمسا خالي من الواش التعيس
أطلب من المولى عسى ألقاه في يوم الخميس
بالحل في ساعة مسا في غرس والخاطر نفيس

(يوم أفكر)
يوم أفـكر واستعـيـد الـذكريات يالضــنا ذكرى لـيالـيـنا الخـوالي
ذكـريات ٍ في فوادي راسخات كل ساعه ذكركم يخطر عبالي
يا ريم شط النـيل دجـله والفرات يا زهر يا عـناب يـا كرم العـلالي
اذكر زمان ٍ لي مر وتقضى وفات ذكراه في قـلبي وليده وعـبالي
اشـوفني يا زين مدرج ع الممات ماني امقـضي هالشهر خلٌي محالي
من روح روحي لـك أجـدم تعزيات واوصـيك بالسـلوى وعلى الله الاتكالي
واغـرس على قبري زهورٍ يانعات واقــرأ ع روحي الفاتحه واما تـبالي
ما هـمني فـقدان روحي والحـياتي الإنسان له موته ترى ع كل حالي

((ياطيب القلب))
ياطيب القلب حكم قلبك الطيب اخرت غيرك وبعدته وقربتك
ليه تباعد مع انك دايم قريب من وين مااصد فعيوني تخيلتك

ليه انت ناسي وذكري عندك مغيب تنسى وانا اذكرك وانسى اني تذكرتك
صارحتك بما يكنه القلب ياحبيب الظاهر اخطيت في ظني وصارحتك

لو بعزي الصبر دونك قال ماثيب المشكله ياطويل العمر مشكلتك
الصبر شيب وشوق القلب ماشيب لازال يلعب بقلبي كل ماشفتك

كم محسن الظن فيك وترجع تخيب كدرت بالي وانا مايوم كدرتك
اليوم حتى شعوري منك متريب هذا خفوقي يحذرني وحذرتك

((وين انت))
وين انت ياللي كل ماقلت وين انت حتى السؤال يقول وين اللي جابه
عامين ضايق وانت لين اليوم مابنت ذي حالتي مابين الحزن والكابه
ل
و شنت بعيون المخاليق ماشنت في عين من حبك سرابه سرابه
لولا الغلا ياصاحبي ماتمكنت صدرن من الهجران صاير خرابه

عود علي وانا ترياك لاهنت الحال واحد والقلوب تشابه
واذا سألت تحبني قلت لي كنت وانا ابتسم من باب حب الداعبه

وان خنتني اعلم بعد ترا ماخنت الا معاك لكن اخونك ذرابه
خنتك معا طيفك بعد ماتيقنت انك علي بعد الثرى والسحابه

اكبر خطا محبتك وانت ماصنت حب يخلده المشيب لشبابه
تدري وش يغيض الرجل في هوا البنت انه يعيش بواقع مادرابه

اذا سألت تحبني قلت لي كنت وانا ابتسم من باب حب الداعبه
لكننا وش هو انا وانت ويش انت هذا السؤال اللي يبيله اجابه؟؟؟

((يوم شافوني))
يوم شافوني انا بقربك ابعدوني عنك يالغالي
مادروا بي كم انا احبك يا سعاده عمري وفالي..
من غلاك اخترت انا دربك دون لاافكر ولاابالي
صرت احبك صرت مغرم بك صرت عمري اول وتالي..
مهجتي وعيوني تحبك وانتشي لي شفتك اقبالي
وانسى من حولي وافكربك كني في كوني لحالي..
دامني عايش وسط قلبك وانت في قلبي وفي بالي
مايفرقنا سوا ربك الكريم الواحد العالي..

((تكلم))
تكلم لاتناظرني تكلم ،، كلام العين مايطفي لهيبي
انا اتحراك طول الوقت واحلم ،، وش احلى من صدى كلمه حبيبي
زماني يوم لاقيتك تبسم ،، وانا صدقت نفسي وهذا عيبي
انا قلبي كثر حبك تألم ،، متى تلمس جروحي ياطبيبي
احبك للوفا والله يعلم ،، وعمري من دفا قربك يطيبي
تعيش سنين وتسلم ,, تمنيتك من العالم نصيبي
انا احساسي صدق ولاتوهم ،، اذا شفتك تفز وتحتفيبي
انا فاهم وطبع الحر يفهم ،، ولكن ودي اسمع يا حبيبي
تكلم لاتناظرني تكلم ،،،، كلام العين مايطفي لهيبي

أموووووووووت عليها(( ياالبعيـــد ))
يالبعيد وشوفتك صارت محال
ودي اشوفك ودي اندهلك تعال
حاولت اصبر واداري بالدمع طفيت ناري
حاولت انساك لكن هذاا اخر احتماالي،،
يالبعيد وقلبي بعدك ماعرف طعم الهنا
لوغبت لحظه اعاني كيف لوغبت سنه ؟؟
وين ادورك يالبعيد حرت من هذا السؤال ؟؟!
والله ماغمضت عيني من رحت لليوم ساهر
عايش بحيره عذابي تلعب بحالي الخواطر
مره اشوفك مره تبعد حرت من هذا السؤال ؟؟
خاولت اصبر واداري بالدمع طفيت ناري
حاولت انساك لكن هذاا اخر احتمااااااالي

(ودعتكم)
ودعتكم ياليت ماكان يوم الوداع القلب ممحون
سالني وش الذي كان المفارق احبابه وش يكون

انا مليك الحب سلطان مضنا ضنين الحب وشلون
قلبي عليكم دوم ولهان دايم بكم مغرم ومشطون

عسى انكم في طول الازمان يحفظكم الله خالق الكون
ياعين حرن شاف حيشان يتوق صوب اللي يهدون

ولا عنود شاف ريعان داير حوز من اللي يصيدون
لحظه وداعي كان اللي كان جني طعين بحد مسنون

ودعتكم ياليت ماكان يوم الوداع القلب ممحون
سالني وش الذي كان المفارق احبابه وش يكون

(اذا زعلتـــي)
اذا زعلتي ياشقى نفس تغليك
ليتج عن اللي يعصر الجبد تدرين
واذا رضيتي يرضى الله براضيك
احس ان كل الناس براضج راضيين
محد بقلبي في غلاتج يساويج
يامن على كل المخاليق تغليين
بس قولي انتي كيف اسوي وانا افديج
لو عين يفدنج عن العين عينين
يامن اذا بين الملا حل طاريج
تستبشر بقلبي جميع الشرايين
لو تزعلين حرات قلبي تناديج
تكفين لاتقسين تكفين تكفين
لاطاب جرحي جان جرحي يسليج
لكني ادري بجروحي تحسين
ضاقت علي الارض ربي يخليج
قمت احبس انفاس الالم بين ضلعين
ماظني اخطي بج واذا اخطيت لبيج
امرج على نفسي و روحي تمونين
العذر طبعج والسماحه مباديج
والصفح اصلج والعفو جان تعفين

(لو تشوف)
لو تشوف اللي انا اشوفه /// لوقربت وغصت باعمااقي
لو لمست الحب بكفوفك /// جان ماشككت باشواقي

الزمن تطعني سيوفه /// وين بلقى درعي الواقي
مهجتي عطشى وملهوفه /// وانته في شرياني الساقي

شمس حبي منك مكسوفه /// والغرام اسود واعتاقي
مثل ليلن حالكن شوفه /// بالظلام ولا به اشراقي

ليش قلبك غير شفوفه /// وانته ذوقك في الهوا راقي
منك حالي قرب حتوفه /// ياحبيبي وش بعد باقي

(تسأل الروح)
تسأل الروح فجأة عنك وينك
واجاوبها بدمعن من عيوني
لأن الحب لي بيني وبينك
دنا ما من وجد عاشق يصونه
لأنك فايق بحسنك وزينك
عطاك القلب حبه يافتوني
فلا ينساك ويبقى لك رهينه
مع ان هل تراهم يذكروني
خذيت القلب بألحاظك وعينك
تهددني وفرسانك رموني
غريم الشوق ماينساك وينك
حريمن من لقاكم ياشجوني
تسأل الروح فجأة عنك وينك ...؟

(يا هناتالعين)
ياهنات العين لي تنظرك دوم
تهتني وتزيد من نورك ضيا
في عيونك عيدت من عقب صوم
وازهرت فيها تباشير الحيا،،،

من يشوفك بالفعل حظه يقوم
ينسى حتى هموم وقته والعيا
يتمنى العمر في قربك يدوم
عبر لحظه مايفرقه الميا،،،

لك غلا يزداد يومن بعد يوم
صادق واضح ولامسه ريـا
وان قدرت بيوم تحصي لي النجوم
تعرفين شقد احبك ياضيا،،،

لي متى بيتم حبك لي كتوم
لي متى عني بيمنعك الحيا
ليش نغرق يالغلا وسط الهموم
دامنا بالحب والعشق اوفيا،،،

(البر والمزيون)
أحب البر والمزيون /// وأحب البدو والأوطان
وأحبك قبل لايدرون /// هلي واهلك ولا الجيران
واحب العذري المخزون /// بمجرى الدم والشريان
وأحبك والمحبه عون /// محبن عاشقن ولهان
ولو تطلب نظر العيون /// عطيتك مني ياصفطان
نبيـع الروح لويشرون /// ونرضي الخاطر الزعلان
حرام البعد يالمضنون /// حرام الصد والهجران
تعطف وارحم المفتون /// بحبك هايمن حيران
تبات انته مريح شجون /// وانا شجوني بها طوفان
إلي من غمضت العيون /// انا ونومي حربنا بان
ياللي هاجمني يا المضنون /// فمن عنده برد الشان
صلى الله على المأمون /// محمد بن نسل عدنان

(غريم الشوق )
غريم الشوق ماسمع العذولي\ولو مالحب تدهاه الدهايا
على شطات والشدة حمولي\ويصبر في العنا صبر الظمايا
ولو مالحب ماخبت ذلولي\ولاجاسيت من همي بلايا
جدا من صوبهم سلكة ريولي\ادوس الشوك واجدامي حفايا
ولو منهم على الخاطر طرولي\يقودنيه الهوى قود المطايا
اذا مالنوم من عيني يذولي\اييب الطيف لي عنهم روايا
ولي من يانيه منهم رسولي\تخالي به عيوني بالخلايا
ولو شرع الهوى حكمن عدولي\تشاكينا وفلينا الشكايا
لكن الحب له قاضي جهولي\فلا تيبيه ذلول ولا رشايا
اذا ونيت بي شمت العذولي\وشاب القلب من قول الوشايا
يخادعني المغفل المهبولي\ولوامن يبه كون الدعايا
وانا العبرات في عيني تجولي\الي طرت على بالي طرايا
وانا العبرات في عيني تجولي\الي طرت على بالي طرايا
وصلى الله على طه الرسولي\محمد شافعي خير البرايا

عذاااابي هالأغنية>>>(قوس الربابه)
استمد الشوق حيله وانتحابي ..... لين صادفني طريقن كنت اهابه
لي شهر وانا ماغير اكتم مصابي ..... واتجمل في الوجيه ام الذرابه
لين حدتني مخاييل السحابي ..... والسنين اشباح والايام غابه
شفت ما منها مصدة والا اجتنابي ..... لكن الله رحمته تسبق عذابه
ياوجودي من عناي وياذهابي .... وجد من خلوه ربعه للذيابه
في نهارن هيب اللي مايهابي ..... يعتنق عد المنايا بالسحابي
منك ياللي فاقدن منك صوابي ..... قمت اعشقك مثل عشقي للكتابه
شف غيابك وين وداني وجابي ..... بس مع الايام زودني صلابه
حس فيني يامعودني غيابي ..... في وجودي وش مدى فرق التشابه
ليه ادق الباب دام الباب بابي .... يا معيشني تفاصيل الغرابه
يامعودني على صبر احتسابي ..... يامعرضني شقى القيض وسرابه
الدروب طوال لكن زهابي .... شوف حالي كنها قوس الربابه
واعتقدت انك تعاني من عذابي .... يفسر بصوت الاحبه والغرابه
واثرك اللي مستريح ولا درى بي ..... ماتعرف الا تماديه وغيابه

( العام الجديد)
عسى عامك سعاده وحب وتفرح بالهنى كله
وكل الدنيا تضحك لك وتسعد يانظير العين

عسى العام الجديد احلى ونقطف ورده وفله
ترافقنا السعاده والعمر يبقى لنا عمرين

اذا قالو تحبه قلت كل العمر كله هو والله
انا مخلوق لعيونه وهو بعيوني الثنتين

واذا ما أسمعك لحظه أحس القلب متوله
اشوف الناس في عيوني سراب وملتقاهم شين

احاول التقي بطيفك وسامح لو بدت زله
واسهر قلبي وعيني لحد النهار يبين

اكلم وردك الحمره وهي بالنود مبتله
اطرشها لجل عينك ويأخذها نسيم العين

ينام السعد في حضني واتشافى من العله
واذا صوتك وصل سمعي احس انه الزمان يزين

انا من لي في هالدنيا اعيش العمر في ظله
عسى العام الجديد يهل عساه يجمع القلبين

(طير الحمامي)
طير الحمامي
هيج غرامي
هايم هيامي
و الشووق غلاّب

هزّعت فني
يا طير مني
و لا كان ظني
تطريلي احباب

ذكرتني به
لي اعتنيبه
حب و حبيبه
و الشووق جذاب

ولف ٍايحبه
قلبي و لبه
و يذوب صبه
كالشمع لي ذاب

ادعج خدلجّ
و امدملج ادلج
واغنج وابلج
شمس ٍ عالغياب

و خشم ٍ اتّورد
سيف ٍ امـّهند
و خدٍ امـّورد
جوري وعنّاب

ليته درابي
و عانا صوابي
انا المصابي
في دنيت اغراب

عايش ابدنيا
فيها و هنيا
مالذ هنيا
فيها ولا طاب

(لاتودعني)
لا تودعني جيف اودعك يا روحي و انساك هذا من المحال
مدمعي يبكي و يبكي مدمعك كل دمعه فيك تسألني سؤال
اسرح بفكر و ارجع و سمعك حرت انا ما بين واقع او خيال
لا تودعني و احلامي معك ذكريات الامس و آهات الليال
دمعتي حرت و قلبي يتبعك كل لحظة همس كل خطوة ضلال
انت حر النفس يا كيف امنعك خصب طاوعتك و لا في احتمال
في أمان الله ربي يرجعك عالامل يبقى و مذكرك بوصال
دامني يا زين عشت مولعك عن ربوع السعد شديت الرحال
منزلك عيني و قلبي مرتعك يالغزال اختال من فرط الدلال
الخطا مني فوادي دلعك لين دمع العين عالخدين سال
لا تودعني جيف اودعك يا روحي و انساك هذا من المحال
مدمعي يبكي ويبكي مدمعك كل دمعة فسك تسالني سؤال

عاد هاي اموووووووووت عليها(غنى الحمام)
iغنى الحمام وهيٌج القلب بغناه وادعا فوادي مولع ٍ عاشق يرف
متولع ٍ يبكي على فقد مظناه والدمع من عيني جرى ما بعد جف
كلما مسحته من نظيري دفق ماه سال وهتف دمعي شرا ذارف النف
من ليعتي أصفق يساري بيمناه وألعي كما ورق ٍ على عالي الرف
واتوق بأصواتي وانا اقول ويلاه قلبي متيم يا ملا والعقل خف
حرام نومي يا ملا ما تهنٌاه حالي عليل واصفج الكف بالكف
على وليفٍ مارحمني بحسناه خذ مهجتي واقفى ولا بي تلطف
أنا اصرح له شفيقٍ بلاماه مثل اليتيم اللي على امه تلهف
يذوب قلبي يوم بسمع بطرواه لانه فريد الحسن ماكاد يوصف
كالشمس لي جلباب طلعة محياه كالبدر لي منه كما العاج وانصف

(صاحبي يامودي)
يا صاحبي يا مودّي يا بو عيون ثلال * يا سيدي لك سدي للصد هب حمال
دون الوصل لا بدي لاني حملت اويال* وقتي غدا لي ضدي سعدي غدا رحال
ولكم صريح ابودي ولا اسمع العذال* عانيت أنا من وجدي وانساك م المحال
يالي بلي بالصدي يصبر على لهوال * اصبر انا واعدي لو طالت الاجال
لانك عجيد الخردي طيفك سكن في البال* انت السفر لمجدي في الحب يا يفال
يا بو وجن كالوردي ويهك بدر وهلال* فيك الحسن والقدي يا بو خصور انحال
ما اود غيرك حدي ولجلك بدعت امثال *من خاطر ملتدي والصبر دونك حال

(بت سهران)
بت اسهران الليل وانوح وارضف الونات بصياح
ابجي ودمع العين منضوح فوق اوجنات الخد وانضاح
كل اسببي من مالج الروح بومنحر ٍ فيه العطر فاح
بويادل ٍ عالردف متيوح والصدر له زاهي ابتفاح
والخد له كالبارج ايلوح والنحر نور الصبح لي لاح
ولي دعاه القلب مجروح جرح ٍ شنيع ماله كفاح
رحت الطبيب وقالي روح بالصيدليه ادواك ماطاح
كم واحد ٍ شرواك مجروح ومن الهوى ماحصل ارباح
يابن علي بوصيك لا اتبوح واتسجله واتوليه فضاح
تمت وصل عد مااينوح طير القطع في وقت لصباح

(ورد جوري)
ورد جوري فوع وجناتك والزمرد فيك خصيته
والمحاسن في تحياتك رد قلبي يوم شليته
ما خلج مثلك وشرواتك في الخليج ولا بعد ريته
حسن بدر و ريم لفتاتك في فلاه يرب لاقيته
ليت لي وقتك وساعاتك ومن لماكم زرعي اسقيته
وشادني جيدك ونظراتك سولعي والقلب شطيته
ومن لطافة الطيب عاداتك صبتني والنوم خليته
راحتي ساعة ملاقاتك يا مناييه اللي تمنيته
ورد جوري فوع وجناتك والزمرد فيك خصيته
والمحاسن في تحياتك رد قلبي يوم شليته

(جنح الليل)
ليت جنج الليل يحمل لك اساي
نوح قلبي منك ليتك تسمعه
ليت حظي مرة يصدق معاي
ليت شملي معك ربي يجمعه
من زمان وصلكم غاية مناي
من زمان النفس فيك مولعة
حبكم غصن تورد في حشاي
من شراييني غذاه ومنبعه
لاتمادى ياحبيبي في جفاي
صدكم والبعد قلبي يوجعه
لو تشوف العين تحكي عن عناي
ناظري مايوم وقف مدمعه
لو اجر الصوت يرجع لي صداي
لو اجره محدن بايسمعه
عن طريجك في ضياعن ياشقاي
لو مسكت الخيط مني تقطعه
عن طريجك في ضياعن ياشقاي
لو مسكت الخيط مني تقطعه
لك عذابي بس لاتقطع رجاي
بالامل بوهم قليبي واقنعه

(لاتكتب همومي)
لاتكتب همومي وترسم عذااابي
وانا تركت الناس واخترتك انته
قلبي فتح لعيونك السود بابي
من عقب مافي ويه غيرك غلقته
لاتقول معلن في الغرام انسحابي
وانا لجل حبك فؤادي فتحته
حبٍ خطف قلبي وضيع صوابي
واضح ولو عنك شعوري كتمته
والله لو تعلم بحبٍ غدى بي
ان جان عمرك لجل عيني نذرتهه
لكنني مخفي عن الناس مابي
والحب ترخص جيمته لو نشرته
تعال اجدد معك بهجة شبابي
واعيد عمر قبل شوفك حرقته
تعال داوي في حياتي مصابي
وانا بعوض لك زمان خسرته
ياسيدي ياعالي القدر والجنابي
خليت كل الناس واخترتك انته

(يا منقش العناب)
يمنقش العناب بخضاب.....ويمشرب اللون ابياضي
بأسباب والا ماشي اسباب....دايم اتشكل في غياضي
وغلاك عندي ماله احساب....ولا تنقله سبع اراضي
ولو ينخزن في الشامخ انذاب....ذوب الحيد وشب لاضي
ألبستني من الحب جلباب....جلاب من عقب التراضي
وخليتني من خاري الباب....ماكن لي وياك ماضي
اعجاب منك اومني عجاب....تخطي وانا لك في تغاظي
والوقت يقزر كله اعتاب....ولا شي عند الواش قاضي
يابو ثمان ذبل اعذاب....في مبسم كالحص ياضي
وعيون قتالات باهداب....والحاظ في النظره مواضي
ان قمت لك بالوافي اوجاب....هذاك في الحب افتراضي
عسى اوطنك يسقيه سحاب....مركوم ومزونه اغلاضي
ينقاد م المغرب له احياب....ويبات براقه لواضي
وسمي وتزدهر فيه الاعشاب....واتم وديانه رياضي
تلتف له في الكشته اصحاب....تمشي لهم خد م او حواضي
هناك وين تقيم لاحباب....ويطيب للحاضر مقاضي

(موية)
موية من اللج مزرقه ..... طبعتني والهوى شامي
آه يامن عاين الدقه ..... في الخلا وارجابه احيامي
جنها في النجر مندقه .... قوة الصحه من عاظامي
العمر والروح من حقه ...... ومعلق جبدي والانسامي
مط قلبي روحي وشقه ..... واسرقه من داخل اجسامي
غصب لا رافه ولا رقه ...... لا ولا ايداخلهم ارحامي
يال شيله والخدر عقه ..... وانتظر في يرحي الدامي
وجنته بالورد مشرقه .... والحيا في حسنه السامي
شحّ ماساير هل الخقه .... والوسيج اوضول لايهامي
يعل يود السحب مدفقه ..... وين يرتع سيد الارامي

وهذي اغنيتي المفضلة>>>>(مازين يوم)
ما زين يوم فيه لاماك هذاك عيدي يوم بلفيك..
عيدي أنا طلعة محياك وتغر عيني يوم ألاقيك..
دار الزمان وشاح منحاك وبالغت في كثر تجافيك..
و توعرت يا غر جدواك و أشوف هيري قام يغريك..
دورت لي ياتي به نباك وحدن من الطرشان ياتيك..
ولاريت من بالعلم ينصاك تقطعت الخطوط لي تييك..
عني ابد ماتخوز روياك واهاذي بذكرك وطاريك..
ماشد روحي طول فرقاك وما ينحسب لي يوم ماييك..
ولاخير في عمري بلياك كل الحياة اشوفها فيك..
كثر الحفا للنفس فتاك والبعد ياشحاح يضنيك..
وبعدين يالمزيون وياك زاد الدلع كثر التغليك..
منصاد شفني فيك باشباك ولا لي على كثر الشرابيك..
لاعاش من يتعمد جفاك ولاعاش من بالحب ياسيك..
لو من تمنى باتمناك ولو تنفدى بالورح بفديك..
ولو لك رجى نفذته رجاك والعمر يالمضنون بعطيك..
آمر اميري الحال يفداك واخذ الحياة ان جان ترضيك..
مطيع لامرك واطلب رضاك ولايوم للدلهين بشكيك..
واقف على بابك اترجاك عسى انه ما يخيب الرجا فيك..
هذا الغلا بالزود لي ياك يانور عيني عند غاليك..
غالي ولا حد مول يسواك يامستبد ولا لك شريك..
شفني صويب فيك واهواك وان طالت الايام ماتليك..
مالي انا من دونك فكاك لو غلقت دروب ومساليك..

(من تقنع النفس)
من تقنع النفس قنعت لوتعاتبها..ماعادترجع كما لول على العادة
شي بلاشفها ماعاد يطربها..اذا انكفت مالها في تركها راده
نفسي على ماكرهت ماني بغاصبها..ماهي على المخدعة والشين معتادة
بالارض عايش وماشي في مناكبها.. والحمد والشكر للمعبود وزيادة
ماحد رزقة بيد غيره ويطلبها.. الرزق عند الذي يرجونه اعباده
خل الهضيمة وتركها لصاحبها.. لو كان عندك بعير عاجز اشداده
من تلدغ اليد في الحفرة عقاربها.. ماتردها ثانية والعقرب اسداده
واختارم الهجن سير البعد يطربها.. ماتتبع الظل يوم الشمس وقادة
والدار من يوم تتكدر مشاربها.. ماللمعيشة بها ذوق على الرادة
ماتدمع العين الا ولها سبايبها اما وغف او بها علة ونكادة

والسمووحهـ ..